طرطة باردة بالبيسكوي
نصف لتر حليب
3 معالق كبار سكر
2 معالق كبار مايزينة
1 فلان فاني او فريز اي نكهة تتعجبك من غير الشكلاط
و ساشي فاني
كتخلطي كلشي و كديريه يغلى فوق العافية بحال الى كتوجدي الفلان بلا ميعقاد الخليط.
كتقبطي البسكوي لي عندك كتفزكيه بنسكافي مدوبة مع الماء و كتستفيه ومول كديري جوج طبقات من البسكوي و كتحاولي توقفي شي قطع بحيث يجي البسكوي طالع من الجناب من بعد كتفرغي عليه هداك الخليط ديال الحليب و دخليه للفريكو يشد راسو و يبرد .
هنا غديري واحد الكريمة ثانية ديال القهوة لي غادا تجي فوق هداك الخاليط الاول داكشي علاش قلنا شي لون من غير ديال الشكلاط باش يبقاو باينين الطبقات. الكريمة الثانية كديري فيها:
كاس ديال الماء
2 معالق سكر
2 معالق ميزينة
2 معالق نسكافي
2 معالق كوبييل
2 معالق زبدة
باش هاد الخليط ميديرش ليك كويرات خلطي الماء مع الميزينة عاد الكوبييل و خلي الزبدة هي الاخرة..ديريهم فوق العافية حتى يعقاد زيديه على الفلان لي جمد في الفريكو و تعاودي ترجعيها للفريكو تش راسها و تخرجيها تعاودي تستفي طبقة بسيطة من البسكري مفزك بالقهوة و ديريها فالتلاجة ملي تبرد مزيان كتخرجيهازوقيها باش مابغيتي كوك اولى كاكاو اولى اي حاجة و كتقطعيها كتجي روعة فالمنطز و الشكل حيت كتجي فيها طبقة بلون الفلان و طبقة بلون القهوة و الشكلاط و طبقتان دييال البسكوي.